"ဘန်ကောက်မြို့တွင် ရဲအရာရှိအယောင်ဆောင်ကာ ငွေကြေးခဝါချမှုဖြင့် ခြိမ်းခြောက်လိမ်လည်ခဲ့သည့် တရုတ်နိုင်ငံသားကို ဖမ်းဆီးရမိ!"

 

"ဘန်ကောက်မြို့တွင် ရဲအရာရှိအယောင်ဆောင်ကာ ငွေကြေးခဝါချမှုဖြင့် ခြိမ်းခြောက်လိမ်လည်ခဲ့သည့် တရုတ်နိုင်ငံသားကို ဖမ်းဆီးရမိ!" 

ygn, ygnth, yangon, m9 slot, m9 asia, m9 games, YGN, YGNTH, slot, casino, Sport, sport betting, betting, YANGON, စလော့, တောင်ပေါ်သား, grab, AIS, dtac, true money, Visa, pink card, employment agency, ygnslotth, Ygn th, ygn slot, Slot  

ဘန်ကောက်မြို့၊ ဟွေ့ခွမ် (Huai Khwang) ခရိုင်ရှိ ဟိုတယ်တစ်ခုတွင် ထိုင်းနိုင်ငံသားများထံမှ ဘတ်သန်းပေါင်းများစွာကို ရဲအရာရှိအယောင်ဆောင်ကာ ခြိမ်းခြောက်လိမ်လည်ခဲ့သည့် တရုတ်နိုင်ငံသားတစ်ဦးကို ချာချိုင်ဆောင် (Chachoengsao) ပြည်နယ် ရဲတပ်ဖွဲ့က ဝင်ရောက်စီးနင်း ဖမ်းဆီးလိုက်ပါတယ်။

ဖြစ်စဉ်အသေးစိတ်

လိမ်လည်မှုစတင်ခြင်း

ပြီးခဲ့တဲ့ မတ်လ ၁၆ ရက်နေ့က နစ်နာသူတစ်ဦးထံသို့ ရဲအရာရှိအယောင်ဆောင်ထားသူတစ်ဦးက ဖုန်းဆက်ကာ၊ ၎င်းသည် 'ငွေကြေးခဝါချမှု' (Money Laundering) အမှုတစ်ခုတွင် ပါဝင်ပတ်သက်နေကြောင်းနှင့် အပြစ်ကင်းရှင်းကြောင်း စစ်ဆေးအတည်ပြုရန်အတွက် ငွေများလွှဲပြောင်းပေးရမည်ဟု ခြိမ်းခြောက်ပြောဆိုခဲ့ပါတယ်။

ငွေလိမ်လည်ခံရမှု

(၆) နာရီနီးပါးကြာ ဖုန်းပြောဆို ဖြားယောင်းခံရပြီးနောက် နစ်နာသူဟာ ကြောက်ရွံ့သွားပြီး ဘဏ်မှ ငွေသား ဘတ် ၁,၈၂၆,၈၀၀ ကို ထုတ်ယူကာ လိမ်လည်သူများထံ ပေးအပ်ခဲ့တဲ့အပြင် နောက်ထပ် ဘတ် ၃၄,၀၀၀ ကိုပါ အွန်လိုင်းမှတစ်ဆင့် ထပ်မံလွှဲပြောင်းပေးခဲ့မိပါတယ်။

ဖမ်းဆီးရမိခြင်း

နစ်နာသူက လိမ်လည်ခံရမှန်းသိရှိပြီး ရဲတပ်ဖွဲ့ထံ တိုင်ကြားပြီးနောက်၊ ငွေလာယူသည့် ကြားပွဲစား 'ကန်ယာ' (Kan Ya) ဆိုသူကို ဦးစွာဖမ်းဆီးနိုင်ခဲ့ပါတယ်။ သူမရဲ့ ထွက်ဆိုချက်မှတစ်ဆင့် ဟွေ့ခွမ်ဟိုတယ်တွင် ပုန်းအောင်းနေသည့် အဓိက တရားခံ တရုတ်နိုင်ငံသားကို ထပ်မံဖမ်းဆီးနိုင်ခဲ့တာပါ။

သိမ်းဆည်းရမိမှု

 တရားခံ၏ ဟိုတယ်ခန်းအတွင်းမှ ငွေသား ဘတ် ၅,၄၈၄,၂၀၀၊ မြေပိုင်ဆိုင်မှု စာချုပ် (၃) စောင်နှင့် မော်တော်ယာဉ် (၂) စီးတို့ကို ရဲတပ်ဖွဲ့က သက်သေခံပစ္စည်းအဖြစ် သိမ်းဆည်းနိုင်ခဲ့ပြီး၊ တရားခံကလည်း အဆိုပါ ဘတ် ၁.၈ သန်းကို လိမ်လည်ခဲ့ကြောင်း ဝန်ခံထားပါတယ်။

(မှတ်ချက် - မည်သည့်အခြေအနေမျိုးတွင်မဆို စစ်မှန်သော ရဲတပ်ဖွဲ့နှင့် အစိုးရအရာရှိများသည် ပြည်သူများထံ ဖုန်းဆက်ကာ အမှုစစ်ဆေးရန်အတွက် ငွေလွှဲခိုင်းခြင်း၊ ငွေသားထုတ်ယူခိုင်းခြင်း လုံးဝ မရှိကြောင်း ထိုင်းရဲတပ်ဖွဲ့က အထူးသတိပေး ထုတ်ပြန်ထားပါသည်။)

[ထိုင်းနိုင်ငံမှာ လာရောက်အလုပ်လုပ်ကိုင်နေကြတဲ့ မြန်မာရွှေ့ပြောင်းလုပ်သား များအတွက် Migrants Care ၏ သတိပေးအကြံပြုချက်]

ဒီသတင်းစဉ်ကို လေ့လာကြည့်ရင် အွန်လိုင်းနဲ့ ဖုန်းကနေတစ်ဆင့် ရဲတပ်ဖွဲ့၊ အကောက်ခွန်၊ စာတိုက် စတဲ့ အစိုးရအရာရှိတွေအဖြစ် ဟန်ဆောင်ပြီး (Call Center Scams) "မူးယစ်ဆေးဝါးအမှုနဲ့ ငွေလာက်နေတယ်၊ ငွေကြေးခဝါချမှုရှိနေတယ်" ဆိုပြီး ကြောက်လန့်အောင် ခြိမ်းခြောက် ငွေလိမ်လည်တဲ့ ဂိုဏ်းတွေဟာ ထိုင်းနိုင်ငံမှာ အလွန်သောင်းကျန်းနေတာကို သတိပြုမိမှာပါ။

ဒါကြောင့် ထိုင်းနိုင်ငံမှာ လာရောက်အလုပ်လုပ်ကိုင်နေကြတဲ့ မြန်မာရွှေ့ပြောင်းလုပ်သား ညီအစ်ကိုမောင်နှမတွေအနေနဲ့ သူစိမ်းဖုန်းနံပါတ်တွေကနေ ဆက်လာပြီး အထက်ပါအတိုင်း ခြိမ်းခြောက်လာရင် အထူးသတိထားကြဖို့ အကြံပြုချင်ပါတယ်။ ရဲတပ်ဖွဲ့ဟာ ဖုန်းဆက်ပြီး ငွေလွှဲခိုင်းတာမျိုး လုံးဝ (လုံးဝ) မလုပ်ပါဘူး။ အဲဒီလို ဖုန်းဆက်လာရင် ကြောက်လန့်ပြီး မိမိရဲ့ ဘဏ်အကောင့်နံပါတ်၊ OTP ကုဒ်၊ ပတ်စ်ပို့နံပါတ် စတဲ့ ကိုယ်ရေးကိုယ်တာ အချက်အလက်တွေကို ပေးလိုက်တာ၊ ငွေလွှဲပေးတာမျိုး လုံးဝမလုပ်ဘဲ ဖုန်းကို ချက်ချင်းချပစ်လိုက်ပါ။ အကယ်၍ ငွေလွှဲမိသွားပါက ချက်ချင်း မိမိအသုံးပြုတဲ့ဘဏ်ကို ဆက်သွယ်ပြီး အကောင့်ကို ပိတ်သိမ်းရန် အထူးသတိပေး တိုက်တွန်းလိုက်ရပါတယ်။

လိမ်လည်သူတွေရဲ့ ရန်မှကင်းဝေးပြီး အဖမ်းအဆီးကင်းကာ ဘေးကင်းလုံခြုံကြပါစေလို့ Migrants Care မှ ဆုမွန်ကောင်းတောင်းပေးလိုက်ပါတယ်ခင်ဗျာ။

(အချက်အလက်များကို Khaosod သတင်းဌာနမှ ကိုးကားဖော်ပြထားပါသည်။)

 Previous Post - "ဘန်ကောက်မြို့ Sukhumvit ရှိ ဈေးဝယ်စင်တာတစ်ခု၏ အမျိုးသမီးအိမ်သာအတွင်း စွန့်ပစ်ထားသော မွေးကင်းစကလေးငယ်၏ ရုပ်အလောင်း တွေ့ရှိ!"

❝ပျော်စရာကောင်းတဲ့ နိုင်ငံစာရင်းမှာ ထိုင်း အဆင့် ၅၂ အထိ ကျဆင်းသွား❞

❝ဒီဇယ်ဈေးတက်လို့ ထိုင်းပင်လယ်စာဈေးတွေ 50% အထိ တက်နိုင်❞

ဘောလုံးသတင်းများဖတ်ရန် 

ထိုင်းရောက်ရွှေမြန်မာတို့အတွက် ယုံကြည်စိတ်ချရတဲ့ ဂိမ်းဆိုက်မှာဂိမ်းကစားချင်ပါက